Presentar l’occitan lemosin dens la soa riquessa e la soa contemporaneïtat, tau qu’ei l’objècte d’aqueth lexic complet, hrut d’un tribalh de recèrca miat per Danís Chadeuil, dirigit peu Congrès permanent de la lenga occitana, e ací editat per Novelum, l’Institut d’Estudis Occitans (IEO) deu departament de Dordonha.
Dab mei de 15 000 entradas Francés-Occitan e 25 000 dens lo sens Occitan-Francés, aqueth obratge qu’a per mira de facilitar la compreneson e l’aprendissatge d’ua lenga plan viva enqüèra, capabla tot autant de’s soviéner deu monde de ger com de descríver lo d’uei.
Aqueth Lexic lemosin Francés–Occitan / Occitan–Francés qu’ajudarà las e los qui son familiars dab ua lenga d’òc de d’òra entenuda a’n fixar l’escritura e qu’acompanharà los aprenents navèths dens la descobèrta deu vocabulari e de las expressions popularas d’un país qui abitan dilhèu.
Fin finau, entà tots e totas que constituïrà ua obertura curiosa au maine occitan, a las autas lengas latinas e a las lengas deu monde.
- Comandar lo lexic
by
Tags:
Daissar un comentari